Tuesday, June 30, 2009

ఆకాశ గంగ!

మూడు వారాల క్రితం, రేలా రే రేలా ఒక ఎపిసోడ్ లో ఒక గాయని పాడిన పాట కు పరవశించి న్యాయ నిర్ణేత అయిన గోరటి వెంకన్న గారు అందుకున్న ఒక అద్భుత దృశ్య కావ్యం..ఈ వాన పాట..



గల్త గూటీ లోని గడ్డీని తడిపింది..
గువ్వ గూటి గులక రాళ్ళను జరిపింది..
తీతువా గొంతును తీయగా చేసింది..

అడివి పిట్టల ముక్కు పాసీ ని కడిగింది!
సెట్ల బిరడా మీదా బొట్లు బొట్లు రాలి..
గట్ల బండలపైన గంధమై పారింది!!
అయ్యొ వానొచ్చెనమ్మా ...వరదొచ్చెనమ్మా.
వానతోపాటుగా వణుకొచ్చెనమ్మా !
పారాడి పారాడి గోదారిలో కలిసి...
సీతమ్మ పాదాల సిరసొంచి తకింది..
వంకలు టొంకలు వనములన్నీ తిరిగి..
కృష్ణమ్మవొడి చేరి ఇష్టంగ వొదిగింది!
దుందుభి తలకంట దుమ్మంత కడిగింది..
అందమైన ఇసుకను అద్దంల జేసింది!!
విశ్వరమణీయాల వింత జల చక్రం
పవనమై నింగిలో పారాడిన ఈ చక్రం
అవని సుట్టు అల్లుకొనెడి అందమైన చక్రం
అనంత కాంతి పింజరములు అలరించే నింగిని నేలకు వెదజల్లేడి వాడు
అతనేమొ మండే కొలిమి
సాగరముతోన చెలిమి
ఆ నింగి సాగరాల మధ్య బంధము జల చక్రము

పారే వాగు వంకలుగా పచ్చనాగు రెమ్మలు
ఆ అంతులేని సంద్రము ఆ సరసులెంతో అందము
కోనేటి కొలను కాల్వలు ఊరేటి ఊట సెలిమలు
సిందాడే నీటి మువ్వలు, సిన్న్నరి సినుకు గవ్వలు!!
సిరుగాలి పాటకెగసి ఎగసి సినుకుల దరువేస్తవీ
కొత్త నీటితొ వచ్చి కోనేట్లొ జేరింది
సేపకేమొ నీటి పొలుపులు దాపింది
కొంగకేమో విందు కోరిక రేపింది
కప్పల పండుగ కళ్ళార చూసింది
తాబేలు పెళ్ళికి తల నీరు పోసింది
పొంగేటి కల్లులో పోసింది సన్నీళ్ళు
ఈత సెట్టు లొట్టి మూతిని కడిగింది..
పారాడి పారాడి గోదారిలో కలిసి..
దుందుభి తలకంట దుమ్మంత కడిగింది..
ఇష్టముందో లేదో పట్నానికొచ్చింది
ముక్కు మూసుకొని మూసీలొ ముణిగింది!!!



3 comments:

Mitra said...

Intha manchi paata andinchinanduku dhanyavaadalu. paata gattiga chaduvutunte maa rendella baabu chevulu appaginchi vinnadu. kaani oka doubt, jalachakram kavitha original paata lo bhaagam anipinchadam ledu. enduku?

వసంతకోకిల said...

avunu adi original pata lo bhagam kaadu.. gorati venkanna aasuvugaa cheppina paata idi..aa time ki ayanaki relevant gaa tattina inkoka pata 'jalachakram' anukunta. adi kooda kalipi paadesaru. nenu mottam unnadi unnattu ikkada pettanu.

కొత్త పాళీ said...

I heard him sing this live